اُردو پوائنٹ پکوان

سادہ جھینگا مچھلی


اشیاء: جھینگا مچھلی آدھ کلو گرم مصالحہ(پسا ہوا) ایک ٹی اسپون پیاز آدھ پاؤ لہسن ایک پوتھی نمک حسب پسند دہی آدھ پاؤ سرخ مرچ حسب پسند ہلدی حسب پسند سوئے ذرا سے سرکہ چار ٹیبل اسپون گھی تین چھٹانک ترکیب: جھینگا مچھلی کا چھلکا نکال کر اچھی طرح صاف کر لیں اور پھر دھو اور سرکہ لگا کر دو گھنٹے تک پڑا رہنے دیں۔ ایک دیگچی میں گھی گرم کر لیں اور پیاز کاٹ کر اس میں ڈال دیں۔ جب پیاز کا رنگ بادامی ہوجائے تو جھینگے ڈال دیں اور ان کو خوب اچھی طرح بھونیں۔ جب کچھ گل جائیں تو سوئے باریک کاٹ کر ڈال دیں اور بھونتی جائیں۔ تھوڑی دیر بعد نمک، مرچ اور ہلدی ڈال کر بھونیں۔ اب لہسن کو پیس کر اسے دہی میں ملا لیا جائے اور دہی قدرے پتلا کر کے ڈال دیں۔ اب پھر بھوننا شروع کر یں۔ جب دہی کا پانی خشک ہو جائے اور جھینگے اچھی طرح بھن کر گل جائیں تو تھوڑا سا پانی ڈال کر اور گرم مصالحہ چھڑک کر دم پر لگا دیں۔ دس منٹ کے بعد اتار لیں جھینگا مچھلی کا نہایت لذت بخش سالن تیار ہے۔
ترکیب کا مکمل متن پڑھنے کیلئے یہاں پر کلک کیجئے
اُردو پوائنٹ پکوان کا مرکزی صفحہ