اشیاء: انڈے چھ عدد دودھ ایک لیٹر گھی 100ملی لیٹر بادام گری 30گرام پستہ 15گرام چہار مغز 5گرام الائچی سبز تین عدد چینی حسب ذائقہ ترکیب: دودھ کو ایک دیگچی میں ڈال کر چولہے پر چڑھا دیجئے اور ہلکی آگ پر پکنے دیجئے۔ دودھ جب آدھا رہ جائے تو اتار کر رکھ لیجئے۔ انڈوں کو توڑ کر خوب اچھی طرح پھینٹ لیجئے اور حسب پسند چینی شامل کر کے اس کو خوب اچھی طرح حل کر لیجئے۔ اب کسی دیگچی میں گھی ڈال کر گرم کیجئے اس میں الائچی کے دانے نکال کر ڈال دیجئے۔ گھی کڑ کڑا جائے، تو چینی ملے ہوئے انڈے ڈال دیجئے اور تھوڑی دیر بعد دودھ بھی شامل کر دیجئے ۔ پھر بادام کی گری چھیل کر اور پستہ اور چہار مغز ڈال دیجئے اور ہلکی آگ پر حلوے کو پکنے دیجئے۔ حلوہ گاڑھا ہو جائے اور گھی نکل آئے تو میٹھا چکھ کر اتار لیجئے اور پلیٹ میں ڈال کر تناول فرمائیے۔