اُردو پوائنٹ پکوان

منگولین چکن


 ایک درمیانے سائز کے پیالے میں چکن کی یخنی، ہوائزن سوس، اویسٹر اور سویا سوس، چینی اور لال مرچ ڈال کر تھوڑا سا پھینٹیں اور پیالہ ایک طرف رکھ دیں۔
ایک برتن میں چکن سٹرائپس رکھ کر ان پر کارن فلور اچھی طرح لگا دیں۔
 ایک کڑاہی میں تیل گرم کریں اور چکن فرائی کرلیں۔ جب چکن کا رنگ سنہری ہو جائے تو اسے تیل سے نکال کر ٹشو پیپر پر رکھ دیں تاکہ فالتو چکنائی اس میں جذب ہو جائے۔
 ایک اورپین یا کڑاہی میں دو چمچ تیل ڈال کر درمیانی آنچ پر گرم کریں اور پھر اس میں لہسن، پیاز اور ہرا پیاز ڈال کر سوتے کریں اور ساتھ ہی نمک اور کالی مرچیں ڈال کر فرائی کریں یہاں تک کہ سبزیاں نرم ہو جائیں۔ اب ان سبزیوں کو بھی تیل سے نکال لیں۔
 سوس تیار کرنے کے لئے سوس کا آمیزہ کڑاہی میں ڈال کر گاڑھا ہونے تک پکائیں۔ اب ایک بڑی اور گہری ڈش میں چکن رکھ کر اس پر سوس انڈیلیں ، اور پیاز بھی شامل کر دیں انہیں اچھی طرح مکس کریں۔یہ مزیدار ڈش سفید چاولوں کے ساتھ پیش کی جاسکتی ہے۔

ترکیب کا مکمل متن پڑھنے کیلئے یہاں پر کلک کیجئے
اُردو پوائنٹ پکوان کا مرکزی صفحہ