اُردو پوائنٹ پکوان

ادرک کا اچار


اشیاء: ادرک ایک پاؤ سرخ مرچ حسب پسند نمک حسب پسند لیموں کا رس آدھ پاؤ اجوائن ایک تولہ سفید زیرہ ایک تولہ سیاہ زیرہ ایک تولہ ترکیب: ادرک چھیل کر اس کے لمبے لمبے ٹکڑے کاٹ لئے جائیں۔ کسی مرتبان کو اچھی طرح سے دھو کر اور صاف کر کے دھوپ میں خشک کر لیں اور اس میں لیموں کا رس ڈال دیں اس رس میں اجوائن، سفید زیرہ، سیاہ زیرہ اور نمک، مرچ پیس کر ڈال دیں اور کسی چمچہ سے اس کو اچھی طرح ملا لیا جائے۔ اب اس مصالحے والے رس میں ادرک کے ٹکڑے ڈال دیں اور ڈھکنا بند کر دیا جائے۔ اس کے ساتھ ہی مرتبان کے منہ پر ایک صاف کپڑ ا بھی باندھ دیا جائے۔ ایک ہفتے میں اس اچار کو اسی طرح پڑا رہنے دیں۔ دن میں دومرتبہ مرتبان کو اچھی طرح سے ہلا دینا چاہیے کہ اچار کے خراب ہونے کا اندیشہ نہ رہے۔ ادرک آٹھ دس دن کے بعد گل جاتا ہے۔لیجئے ادرک کا یہ نہایت لذیذ اور منفرد قسم کا اچار تیار ہے۔ یہ اچار پیٹ کے امراض کے لئے بالخصوص بے حد مفید ثابت ہوتا ہے۔ اس کے علاوہ بھی یہ صحت بخش اور لذت آمیز اچار ہوتا ہے۔
ترکیب کا مکمل متن پڑھنے کیلئے یہاں پر کلک کیجئے
اُردو پوائنٹ پکوان کا مرکزی صفحہ